വൈപ്പിൻ
സമാനതകളില്ലാത്ത വികസനത്തിന്റെ അഞ്ചുവർഷം പൂർത്തിയാക്കിയ എൽഡിഎഫ് ഭരണത്തിലുള്ള വൈപ്പിൻ ബ്ലോക്ക് പഞ്ചായത്തിന്റെ നേട്ടങ്ങൾ ജനങ്ങളിലെത്തിക്കാൻ രണ്ടുദിവസങ്ങളിലായി സിപിഐ എം നടത്തിയ സുസ്ഥിര വികസന പ്രചാരണ ജാഥ മുനന്പം മാണി ബസാറിൽ സമാപിച്ചു. സമാപനസമ്മേളനം സിപിഐ എം ജില്ലാ സെക്രട്ടറി എസ് സതീഷ് ഉദ്ഘാടനം ചെയ്തു. വ്യാഴം രാവിലെ പള്ളത്താംകുളങ്ങരയിൽനിന്ന് ആരംഭിച്ച രണ്ടാംദിന പര്യടനം ജില്ലാ കമ്മിറ്റി അംഗം ടി വി നിധിൻ ഉദ്ഘാടനം ചെയ്തു. ലോക്കൽ സെക്രട്ടറി കെ എസ് ദിനരാജ് അധ്യക്ഷനായി. ബ്ലോക്ക് പഞ്ചായത്ത് പ്രസിഡന്റ് തുളസി സോമൻ, ഇ കെ ജയൻ എന്നിവർ സംസാരിച്ചു. സ്വീകരണ പരിപാടിയിൽ ജാഥാ ക്യാപ്റ്റൻ കെ എ സാജിത്, വൈസ് ക്യാപ്റ്റൻ എം ബി ഷൈനി, മാനേജർ കെ കെ ജോഷി, പി ബി സജീവൻ, ഇ സി ശിവദാസ്, കെ കെ ബാബു, പി ഡി ലൈജു, എൻ എസ് സൂരജ് എന്നിവർ സംസാരിച്ചു. സമാപനസമ്മേളനത്തിൽ കെ കെ ജോഷി അധ്യക്ഷനായി. ഏരിയ സെക്രട്ടറി എ പി പ്രിനിൽ, പള്ളിപ്പുറം ലോക്കൽ സെക്രട്ടറി എ കെ ഗിരീഷ്, സുബോധ ഷാജി എന്നിവർ സംസാരിച്ചു.
